الشنب 1
رسايل بتستنى للصبح
الزبون اللي بعت بالليل ما بيستنى. بيبعت لغيرك، وبيحجز عند اللي رد أول.
زباينك بيبعتولك، وما حدا بيرد؟
أنا عبدالله، مهندس برمجيات. ببني لمشروعك اللي ناقصه: نظام بيرد وبيحجز لحاله، أتمتة بتشيل عنك الشغل المكرر، وموقع أو تطبيق بيشتغل عشانك.
- +500 ألف متابع على منصات التواصل
- التشخيص مجاني وبدون التزام
11:47 بالليل
في موعد بكرا؟
أكيد 🌷 حجزتلك 6:30 المسا
حجز جديدانحجز وإنت نايم
المشكلة
وين مشروعك بيخسر وإنت مش شايف؟
الخسارة مش دايماً بتبيّن بالحساب. أغلبها بتصير بهدوء، بأربع أماكن:
2
شغل يدوي بيتكرر
تذكيرات، جداول، فواتير، نفس الرد عشرين مرة. ساعات بتروح على شغل بيقدر نظام يعمله.
3
حضور رقمي ما بيبيع
موقع قديم أو صفحة ما بتوضّح شو بتقدّم. الزائر ما بيفهم بسرعة، فبيكمّل طريقه.
4
قرارات عالإحساس
بتصرف على إعلانات ومحتوى وإنت مش عارف شو اللي جاب زباين وشو اللي راح عالفاضي.
الخدمات
شو ببني لمشروعك
أربع خدمات، وهدف واحد: ولا زبون بيضيع عليك، ولا ساعة بتروح على شغل بيقدر نظام يعمله.
الخدمة الأساسية
موظف استقبال ذكي على الواتساب
بيرد فوراً بلهجة زبونك، بيحجزله على جدولك، وبيذكّره قبل الموعد. شغّال 24 ساعة، حتى والمحل مسكّر.
- رد فوري على واتساب وإنستغرام
- حجز وتأكيد وتذكير بدون ولا اتصال
- بيحوّل للموظف لما الموضوع بده إنسان
- بتعرف كم رسالة وصلت وكم وحدة صارت حجز
مناسب لـ: عيادات، صالونات، مطاعم، أكاديميات، مكاتب
تفاصيل الخدمةأتمتة الشغل المكرر
أي شغلة بتنعاد كل يوم بنفس الطريقة، بنخلّي النظام يعملها عنك وعن فريقك.
- ربط أدواتك مع بعض: واتساب، جداول، فواتير، CRM
- متابعة تلقائية للزبون اللي سأل وما حجز
- تنبيهات وتقارير بتوصلك لحالها
مناسب لـ: أي مشروع فريقه غرقان بشغل يدوي
تفاصيل الخدمةمواقع وصفحات هبوط
موقع سريع وواضح، مبني عشان الزائر يتواصل أو يحجز، مش عشان يتفرّج ويطلع.
- صفحة هبوط لخدمة أو حملة وحدة
- موقع كامل للمشروع أو متجر إلكتروني
- سريع عالموبايل ومجهّز لمحركات البحث
مناسب لـ: مشروع بده حضور رقمي بيجيب تواصل
تفاصيل الخدمةتطبيقات وأنظمة داخلية
لما الجاهز ما بيكفي: نظام مفصّل على طريقة شغلك إنت، مش العكس.
- لوحة تحكم بأرقام مشروعك الحقيقية
- نظام حجوزات، طلبات أو مخزون
- تطبيق ويب أو موبايل لزباينك أو لفريقك
مناسب لـ: مشروع كبر وصار بده نظامه الخاص
تفاصيل الخدمةمش عارف شو ناقص مشروعك بالضبط؟
طبيعي. عشان هيك أول خطوة جلسة تشخيص: بنشوف مشروعك مع بعض وبقلّك شو بيستاهل ينبني وشو لأ.
فحص مجاني · دقيقتين
وين مشروعك بيخسر زباين؟
10 أسئلة بنعم أو لا. بتطلع بعلامة من 10 وبتعرف من وين تبدأ.
- بدون تسجيل وبدون إيميل
- بينفع لأي مشروع زباينه بيبعتوله رسايل
- بتطلع بعلامتك وأكبر 3 ثغرات عندك
الطريقة
كيف بنشتغل مع بعض
أربع خطوات. بتعرف شو رح تاخذ وبكم قبل ما تدفع أي إشي.
- مجاني · 20 دقيقة
تشخيص
بنحكي عن مشروعك. بتطلع عارف وين الخسارة، شو ينبني أول، وشو ما بيستاهل تدفع عليه.
- مكتوبة
خطة وسعر واضح
شو رح ينبني، بأي ترتيب، وبكم. كله مكتوب، بدون مفاجآت بعدين.
- بتجرّب بإيدك
بناء وتجربة
بتجرّب النظام بنفسك قبل ما يشتغل على زباينك الحقيقيين، وبنعدّل لحد ما يزبط.
- ما بنختفي
تسليم ومتابعة
بندرّب فريقك عليه، وبنضل معك بعد التشغيل لنتأكد إنه شغّال زي ما لازم.
المقالات
كلام عملي لصاحب المشروع
أسئلة
أسئلة ببالك قبل ما نبدأ
كم بيكلّف؟
بيعتمد على شو ناقص مشروعك: نظام رد بسيط غير تطبيق كامل. عشان هيك التشخيص أول ومجاني، وبعده بتاخذ سعر واضح ومكتوب قبل ما تدفع أي إشي.
أنا مش عيادة، بينفع إلي؟
أكيد. بدأت مع العيادات لأن المشكلة عندهم واضحة، بس نفس الشغل بينفع لأي مشروع زباينه بيبعتوله رسايل وبيحجزوا أو بيطلبوا: صالون، مطعم، أكاديمية، مكتب، متجر.
الذكاء الاصطناعي ممكن يغلط مع زبايني؟
بنحدد مع بعض شو مسموح يجاوب عليه وشو لأ. أي سؤال برّا هالحدود بيتحوّل لموظف عندك بدل ما النظام يخمّن. وبتجرّبه بنفسك قبل ما يحكي مع أي زبون.
شو بصير بجلسة التشخيص بالضبط؟
20 دقيقة أونلاين. بسألك كيف الزبون بيوصلك، مين بيرد عليه، وشو بصير بعد الدوام. بتطلع بثلاث أشياء: وين الخسارة، شو ينبني أول، وشو ما بيستاهل تدفع عليه. ولو ما كان في إشي بفيدك عندي، بقلّك.
كم بياخذ التنفيذ؟
حسب حجم الشغل. المدة بتنكتب بالخطة مع السعر، وبتعرفها قبل ما نبدأ.
بتشتغلوا مع مشاريع برّا الأردن؟
أه. الشغل كله أونلاين، ومعظمه مع مشاريع بالأردن والخليج.
جلسة تشخيص · مجانية
خلّينا نشوف وين مشروعك بيخسر
بتفضّل تحكيلي عن مشروعك أول؟ عبّي النموذج وبتوصلني رسالتك عالواتساب مباشرة.
- 20 دقيقة أونلاين
- مقاعد محدودة كل أسبوع
- بدون التزام بأي إشي بعدها