الشنب الخصوصية
هاي الصفحة بتشرح ببساطة شو البيانات اللي بناخذها منك وشو بنعمل فيها.
شو بنجمع
- اللي بتكتبه بنموذج التواصل: اسمك، رقم الواتساب، نوع مشروعك، بلدك، ورسالتك.
- اسمك وإيميلك لو طلبت ملف مجاني أو كود الخصم.
- نتيجة الفحص لو عملته (بدون اسمك، إلا لو بعتتها إنت برسالة).
- أرقام زيارات عامة للموقع، بدون ما تعرّف عنك شخصياً.
قياس الزيارات والكوكيز
بنستخدم Google Analytics و Vercel Analytics لنعرف كم زائر دخل الموقع، من وين إجا، وأي صفحات انقرأت. Google Analytics بيحط ملف تعريف (كوكي) على متصفحك عشان يميّز الزيارة المتكررة. ما بنبعتله اسمك ولا إيميلك ولا رقمك، وما بنستخدمه للإعلانات.
ما بدك زياراتك تنحسب؟ وقّف القياس من هون، والاختيار بينحفظ على هالمتصفح:
ليش بنجمعها
عشان نرد عليك، نبعتلك اللي طلبته، ونحدد موعد جلسة التشخيص. ولو طلبت ملف أو كود خصم، بنبعتلك بعده نصايح عملية عالإيميل، وبتقدر تلغيها بأي وقت من رابط الإلغاء بآخر كل إيميل.
مع مين بنشاركها
ما بنبيع بياناتك وما بنشاركها مع حدا لأغراض تسويقية. بتمر بس عبر الأدوات اللي بنستخدمها للتواصل والحجز (مثل واتساب ومنصة إدارة العملاء)، وأدوات قياس الزيارات المذكورة فوق.
حقك
بتقدر بأي وقت تطلب نحذف بياناتك أو نوقف التواصل معك. ابعتلنا عالواتساب أو عالخاص على @alshanab.ai.
آخر تحديث: أكتوبر 2026
